 |
 |
 |
 |
|
|
|
|
काठमाडौं– प्रधानमन्त्री केपी शर्मा ओलीले सबै प्रकारका संकीर्णता छाडेर अब मुलुक विकासमा लाग्न आग्रह गरेका छन् ।
संविधान दिवसका अवसरमा आज देशबासीका नाममा टुँडिखेलबाट विशेष सम्बोधन गर्दै प्रधानमन्त्री ओलीले विकसित मुलुकहरू पनि दशकअघि विकासकै शिलशिलामा थिए भन्ने स्मरण गराए ।
‘केही दशकअघि विकसित मुलुकको हालत पनि हाम्रै जस्तो थियो, उनीहरूले विकासका लागि आवश्यक स्रोत र साधन प्राप्तिका लागि उपलब्ध हुने कुनै पनि सम्भावनालाई उम्किन दिएनन् । रंग हैन परिणाममा उनीहरूले जोड दिए,’ ओलीले भने, ‘सोचौँ हामीचाँही किन मुसा मार्ने बिरालो कालो वा सेतै खोजिरा छौँ । अब हामी सबै प्रकारका संकीर्णता र आग्रह पूर्वाग्रह छोडौँ र विकास र उन्नतिको बाटोमा एकताबद्ध भइ अघि बढौँ ।’
संविधानले कसैलाई विभेद गरेको पुष्टि भए औचित्य र आवश्यकताको आधारमा संविधान संसोधन गरिने पनि उनले फेरि दोहोर्याए । उनले भने,’ हाम्रो संविधान सबैलाई अटाउने संविधान हो, आशंका वा अस्पस्टता भए त्यसलाई हटाउन सरकार प्रतिबद्ध छ ।’
अव विकासको काम भइहाल्छ नि भनेर पन्छिने अवस्था नरहेको उनले बताए । अब प्रतिबद्धतालाई परिणाममा बदल्ने विकल्प सरकारसँग नभएको उनले बताए ।
सरकारले जनताको जीवनरक्षा पहिला भनेर हरसम्भव प्रयास गरेको पनि उनले उल्लेख गरे । जनतालाई सचेत बनाउँदै जीवनरक्षाका लागि छिमेकी मुलुकभन्दा पहिला नियन्त्रण, रोकथाम र उपचारका लागि काम गरिएको जानकारी दिए ।
प्रधानमन्त्री ओलीले कोरोना नियन्त्रणमा सरकारले गरेका कामहरुलाई समीक्षा गर्दा उराठलाग्दो नभएको बताउँदै बरु उत्साहजनक रहेको बताए ।
प्रधानमन्त्री ओलीले कोरोना महामारीकाबीच पनि समग्र आर्थिक सूचकहरु नकारात्मक नभएको उल्लेख गरे ।
केयर फाउणडेशन द्वारा संचालित:
तपाईंको प्रतिकृयाहरू