 |
 |
 |
 |
|
|
|
|
मक््का मुकर्माका उप अमीर राजकुमार साउद बिन मशल बिन अब्दुलअजीज हिफजाहुल्लाहले, साउदी अरबको धर्मसम्बन्धी मामिला मन्त्रालयका मन्त्री फजीलतुस्शेख डा. अब्दुललतीफ बिन अब्दुलअजीज आल अश्शेख हिफजाहुल्लाहको उपस्थितिमा, शाह अब्दुलअजीज अन्तर्राष्ट्रिय ४५औँ कुरआनी प्रतियोगिताको समापन समारोहको क्रममा ‘‘मुस्हफे मुर्त्तल’’ को बाकायदा उद्घाटन गर्नुभयो। यो समारोह खادمुल हरमैन शरीफैन शाह सलमान बिन अब्दुलअजीज आल साउदको तर्फबाट उहाँको प्रतिनिधित्वमा सम्पन्न भएको थियो।
यो महान् परियोजना प्रतियोगिता सुरु भएको ४८ वर्षयता पहिलो पटक इतिहासमा देखा परेको हो। धर्मसम्बन्धी मामिला मन्त्रालयका माननीय मन्त्री डा. अब्दुललतीफ आल अश्शेख हिफजाहुल्लाहको प्रत्यक्ष पर्यवेक्षणमा, तथा सञ्चार र प्रसारण निकायको सहकार्यमा, यस परियोजनालाई सफलतापूर्वक पूरा गरिएको हो।
‘‘मुस्हफे मुर्त्तल’’ को तयारी केवल सात दिनको छोटो अवधिमा सम्पन्न गरिएको हो। यसका लागि मक््का मुकर्मामा रहेको प्रतियोगिताको मुख्यालयमा तीन विशेष रेकर्डिङ युनिटहरू स्थापना गरिएका थिए। त्यसपछि यो मुस्हफलाई प्रसारण, अरब तथा इस्लामी टेलिभिजन च्यानल र डिजिटल प्लेटफर्ममार्फत् प्रकाशन र प्रसारणका लागि तयार पारियो।
यस परियोजनाको चरणहरूमा सुरुमा निर्णायक समितिले तज्वीद र सही पढाइको मापदण्डअनुसार कारीहरूको छनौट गर्यो। त्यसपछि स्वरको सौन्दर्य र राम्रो प्रस्तुतिका आधारमा थप परीक्षण गरियो। रेकर्डिङको क्रममा एक विशेषज्ञ निरीक्षक उपस्थित थिए, जसपछि ध्वनि सम्पादन र एडिटिङको प्रक्रिया सम्पन्न गरियो। अन्त्यमा, रियाधमा रहेको केन्द्रका प्राविधिक विज्ञहरूले दुई चरणमा पुनः परीक्षण गरे, जसमा आवश्यक परेमा सुधार र कतिपय ठाउँमा पुनः रेकर्डिङ पनि गरियो, अनि अन्तिम उत्पादन तयार पारियो।
यो परियोजना विश्वकै सबैभन्दा पुरानो कुरआनी प्रतियोगिताका लागि एक ऐतिहासिक थप हो, जसले देखाउँछ कि साउदी अरब कुरआन मजीद र अहले कुरआनको सेवामा कति गम्भीर र सक्रिय छ, र आधुनिक प्राविधिक तथा सञ्चार माध्यमहरूद्वारा कुरआन करिमको सन्देश सम्पूर्ण विश्वसम्म पुर्याउन आफ्नो भूमिका निर्वाह गरिरहेको छ।
केयर फाउणडेशन द्वारा संचालित:
तपाईंको प्रतिकृयाहरू