इरानबारे अदालतको चुनौति अमेरिकाद्वारा ‘कडा प्रतिवाद’ गर्ने

वासिङटन, संयुक्त राज्य अमेरिका, १२ भदौ ,,  संयुक्त राज्य अमेरिकाले इरानमा लगाएको एकतर्फी आर्थिक प्रतिबन्धलाई लिएर अन्तराष्ट्रिय अदालतमा जाने बताइरहेका समय अमेरिकाले उक्त चुनौतिको ‘कडा प्रतिवाद’ गर्ने बताएको छ ।

अमेरिकी विदेशमन्त्री माइक पोम्पेओले सोमबार एक कार्यक्रममा भन्नुभयो, “इरानद्वारा आफुमाथि एकतर्फी प्रतिबन्ध लगाएको भनी अन्तराष्ट्रिय अदालतमा न्यायका लागि जाने भनी दिएको चुनौति सामना गर्न अमेरिका तयार छ ।”

अमेरिकाले करिब तीन हप्ता पहिले एकतर्फी रूपमा आफुमाथि प्रतिबन्ध लगाएपछि इश्लामिक गणतन्त्र इरानले द हेगमा मुद्दा लाने तयारीसहित यस हप्ता छलफल चलाएको थियो ।

अमेरिकासहितका विश्वका शक्ति राष्ट्रले इरानसँग गरेको आणविक सम्झौताबाट वासिङ्टन पछि हट्ने घोषणा गरिसकेको छ । घोषणासँगै अमेरिकाले इरानविरुद्ध आर्थिक प्रतिवन्ध लगाएको छ । अमेरिकाले इरानमा सक्रिय कतिपय बहुराष्ट्रिय कम्पनीलाई इरानबाट फिर्ता हुन दवाव दिइरहेको छ । जसका कारण आएको राजनीतिक तथा आर्थिक अन्यौलले इरानले मुद्रामा व्यापक गिरावट देखिएको छ ।

हामीले इरानद्वारा यसहप्ता चर्चामा ल्याएको द हेगमा मुद्दा दर्ता गर्र्ने आधारहीन दावीको कडा प्रतिरोध गर्नेछौँ, पोम्पेओले थप जोडका साथ भन्नुभयो ।

अमेरिकाले सम्झौताबाट फिर्ता हुने निर्णय गरेको भएपनि सम्झौताका अन्य हस्ताक्षरकर्ता मुलुकहरूले यसलाई बचाउने प्रतिबद्धता गरिरहेका छन् ।
–––