शनिबार, २२ बैशाख २०८१

पत्रकार हरु लाई छात्रवृत्ति घोषणा

१२ असार २०७५, मंगलवार २३:१३ मा प्रकाशित

काठमाडौँ, १२ असार (रासस) ः मानव बेचबिखनबारे कलम चलाउने पत्रकारलाई ‘द इम्पल्स एनजिओ नेटवर्क’ भारतले छात्रवृत्ति प्रदान गर्ने घोषणा गरेको छ ।

दक्षिण एसियाली मुलुकमा अवैध रुपमा हुने मानव बेचबिखनका बारेमा समाचार संकलन गर्ने उद्देश्यले नेपालका पत्रकारलाई इम्पल्सले छात्रवृत्ति दिने घोषणा गरेको हो । नेपालसँगै उक्त छात्रवृत्ति भारत, म्यानमार र बंगलादेशका पत्रकारलाई समेत प्रदान गरिनेछ ।

आज यहाँ आयोजित पत्रकार सम्मेलनमा इम्पल्सका हासिन खार्चीले एकवर्षे र चारहप्ते तालीम दिई मानव बेचबिखनका बारेमा समाचार संकलन गर्ने उद्देश्यले छात्रवृत्ति घोषणा गरिएको बताउनुभयो ।

उहाँले छात्रवृत्ति पाएर गोष्ठीमा सहभागी हुने पत्रकारले दक्षिण एसियाली मुलुकमा भइरहेको मानव बेचबिखन र ओसारपसारसम्बन्धी विषयमा खोजमूलक समाचार सम्प्रेषण गर्न सक्ने बताउनुभयो ।

उहाँले यस किसिमको छात्रवृत्तिले पत्रकारलाई समाचार लेखनमा सहयोग पु¥याउने बताउनुभयो ।

मानवअधिकार सञ्चार प्रतिष्ठान नेपालका कार्यकारी निर्देशक कपिल काफ्लेले छात्रवृत्तिले नेपालका पत्रकारलाई बढ्दो मानव बेचबिखनका सम्बन्धमा समाचार लेख्नका लागि सहयोगी भूमिका खेल्ने बताउनुभयो ।

उहाँका अनुसार एकवर्षे छात्रवृत्ति भर्खर पत्रकारिता पेशामा लागेका र चारहप्ते छात्रवृत्ति अनुभवी पत्रकारलाई प्रदान गरिनेछ ।
–––

तपाईंको प्रतिकृयाहरू

प्रधान सम्पादक

कार्यालय

  • सुचनाबिभाग दर्ता नं. ७७१
  • news.carekhabar@gmail.com
    विशालनगर,काठमाडौं नेपाल
Flag Counter