बिहिबार, १३ बैशाख २०८१

विदुर नपाद्वारा एकैदिन सत्र कानून जारी

२२ चैत्र २०७४, बिहीबार ०९:०८ मा प्रकाशित

नुवाकोट, २२ चैत (रासस) ः विदुर नगर कार्यपालिकाले बुधबार एकैदिन १७ वटा नयाँ कानून निर्माण गरी जारी गरेको छ ।

विदुर नगरपालिकाको दोस्रो नगरसभामार्फत ऐन, नियमावली, कार्यविधि र आचारसंहिता समावेश भएको १७ नयाँ कानून पारित गर्दै कार्यान्वयनमा ल्याएको प्रमुख सञ्जु पण्डितले जानकारी दिनुभयो ।

पण्डितका अनुसार नगरपालिकाको वडा नं ११ का वडाध्यक्ष तोयानाथ तिमिल्सिनाको संयोजकत्वमा गठित विधेयक समितिले नगरसभामा पेश गरेको कानूनलाई दफाबार छलफलमार्फत बहुमतले पारित गरेको हो ।

“नगरकार्यपालिका सञ्चालनका लागि ४२ वटा कानून आवश्यक पर्छ ।” उहाँले भन्नुभयो, “केन्द्रले पठाएका नमूना कानूनको आधारमा विधेयक समितिमार्फत निर्माण गरी नगरकार्यपालिका र नगरसभामार्फत बाँकीलाई पनि क्रमशः निर्माणको तयारीमा जुटेका छौँ ।”

नगरपालिकाले यसअघि स्थानीय प्राकृतिक स्रोतको खानी सञ्चालनका लागि राजपत्र जारी गरी भूकम्पपीडितलाई आवास निर्माण गर्न निर्माण सामग्री सहुलियत शुल्कमा उपलब्ध गराएको थियो । जिल्लामा रहेका १२ स्थानीय तहमध्ये अन्यले कानून निर्माण गर्न बाँकी नै रहेको छ ।

तपाईंको प्रतिकृयाहरू

प्रधान सम्पादक

कार्यालय

  • सुचनाबिभाग दर्ता नं. ७७१
  • news.carekhabar@gmail.com
    विशालनगर,काठमाडौं नेपाल
Flag Counter